Rydym yn chwilio am arweinydd ysbrydoledig a strategol i fod yn Gadeirydd yr Ymddiriedolwyr, gan arwain Cynnal Cymru drwy ei bennod nesaf.
Ar ôl mwy na dau dymor (dros saith mlynedd), bydd y Cadeirydd presennol yn camu i lawr.
Fel Cadeirydd, byddwch yn chwarae rhan allweddol yn y gwaith o lywio a hyrwyddo ein gweledigaeth, ein cenhadaeth a’n strategaeth hirdymor, gan weithio gyda Bwrdd Ymddiriedolwyr penodol i sicrhau llywodraethiant da, penderfyniadau cadarn a goruchwyliaeth effeithiol sy’n datblygu gwerthoedd a phwrpas y sefydliad.
Byddwch yn arwain yr elusen mewn partneriaeth â’n Prif Weithredwr, gan roi arweiniad, cynnig cymorth a herio’n adeiladol yn ôl yr angen. Yn anad dim, rydym yn chwilio am rywun sy’n frwd iawn dros gynaliadwyedd ac sy’n barod i fod yn llysgennad pwerus dros ein gwaith.
Mae hwn yn gyfle gwych i’r person iawn chwarae rhan bwysig yn y gwaith o hyrwyddo cynaliadwyedd economaidd, cymdeithasol ac amgylcheddol yng Nghymru.
Gwneud Cais
Darllenwch ein Pecyn Gwybodaeth – Cadeirydd y Bwrdd.
Os hoffech chi gael sgwrs anffurfiol am y rôl, cysylltwch â Simon Slater, y Prif Weithredwr, a all ateb rhagor o gwestiynau am yr elusen, ac a fydd yn trefnu sgwrs â’r Cadeirydd presennol, neu â Chadeirydd y pwyllgor recriwtio. Simon@cynnalcymru.com
Os ydych chi’n awyddus i wneud cais, anfonwch CV cyfredol ynghyd â datganiad dim mwy na dwy ochr A4. Mae rhagor o fanylion yn y pecyn gwybodaeth ynglŷn â beth i’w gynnwys yn eich datganiad ategol.
Rydym hefyd yn eich gwahodd i lenwi’r ffurflen Monitro Cydraddoldeb ac Amrywiaeth wirfoddol i’n helpu ni i ddeall mwy am bwy rydym yn eu cyrraedd.
Bydd y cyfnod ymgeisio yn cau ddydd Mawrth, 1 Medi 2026
Disgwyliwn i gyfweliadau gael eu cynnal o’r wythnos sy’n dechrau ar 28 Medi 2026.
